Monday, April 13, 2009

WASTONG GAMIT: MAY, MAYROON

May pulis, may pulis sa ilalim ng tulay.
May bibit na bayong ang pulis sa ilalim ng tulay.


Ang mga salitang may at mayroon ay halos magkasintulad ang kahulugan. Ang pinagkaiba lamang ay ang paggamit nito ng wasto sa pangungusap. Naaayon ang gamit sa sinusundang salita.

A. May ang ginagamit kung ang sumusunod na salita ay

1. Panggalan (noun) -
Halimbawa:
a. May pulis sa ilalim ng tulay.
b. May ipis ang iyong pagkain.

2. Pandiwa (verb)
Halimbawa:
a. May umaawit sa banyo.
b. May umaalulong na aso sa tumana.

3. Pang-uri (adjective)
Halimbawa:

a. May isang linggo na siyang hindi pumapasok sa paaralan.
b. May magarang sasakyan ang iyong kuya.

4. Pang-abay (adverb)
Halimbawa:
a. May iisa siyang salita.

B. Ang mayroon ay ginagamit kung ang sumusunod na salita ay isang kataga, panghalip na panao (personal pronoun) o pamatlig at pang-abay na panlunan (adverb of place).
Halimbawa:
1. Mayroon siyang malaking suliranin sa kanyang asawa.
2. Mayroon kayang pasok bukas?
3. Mayroon itong mabisang sangkap laban sa pagtatae.
4. Mayroon na ba siyang gamit sa pananahi?

Ginagamit din ang mayroon sa pagsagot sa tanong:
Halimbawa:
May asin na kaya ang sinangag?
Mayroon na.

Related post



2 comments:

Wayne said...

Thanks sa pagturo ng info.. XD

aldhez said...

thanks for this i have now my assignments !!!!!!!!

Related Posts Plugin for WordPress, Blogger...